Ur-Hellinum

Miðað við frammistöðu Alex Ferugson og lærisveina hans í seinustu leikjum er ekki fræðilegur möguleiki að Manchester lyfti dollunni í maí. Það eru bara of sterk lið eftir í keppninni. Lærisveinar Ferguson eru auk þess saddir og því ekki nógu gráðugir til að endurtaka leikinn frá því í fyrra og verða auðveldur biti fyrir Porto á heimavelli. Spurninginn er bara hvort þeir verði kjöldregnir eða rassskelltir. 

Líklegastir til að sigra keppnina er  Liverpool, sem munu strauja Chelsea í kvöld, og náttúrlega Barcelona, sem ég held að sé þó hvað líklegastir þetta árið.

	Ferguson: Þetta er mér að kenna
Ábyrgðarmaður færslu Tilkynna um óviðeigandi tengingu við frétt

Hellisbúinn horfði á þessa mynd í gærkvöld. Óhugnalegur heimur sem okkur alsgnægtar íbúum vesturlanda er sýndur og þörf áminning.

En þessi mynd er langt frá því að vera snilldarverk. Illa leikin, venjuleg myndataka og ótrúverðugt handrit. Ef þessi mynd fjallaði um hefðbundin Hollywood vandamál er ég ekki einu sinni viss um að hún kæmist í bíó. 

Að mínu mati er verið að veita hugmyndafræðinni verðlaun, ekki kvikmyndinni sem slíkri. Hugmyndafræðin er í stuttu máli sú að "Það er mikil fátækt í heiminum, greyið götu börnin í Indlandi, fáum (réttilega) samviskubit".

Ég er enn að mynda mér skoðun á því hvort kvikmyndahátíðir sé rétti vettvangurinn til þess að vekja athygli á góðum málstað, þ.e. ef myndin á það ekki skilið sem slík. En kannski hef ég rangt fyrir mér, kannski er þetta ágætis mynd (en ég efa það). Hvað finnst ykkur?

	Slumdog raðar inn verðlaunum
Ábyrgðarmaður færslu Tilkynna um óviðeigandi tengingu við frétt

Nú er ég ekki að fullyrða neitt. Hef ekki séð fyrrnefnd blogg og veit ekkert um þessa einstaklinga sem birt hafa nöfnin. Þannig að þetta er bara innslag inn í umræðuna ekki neitt sem undirritaður heldur staðfastlega fram. En ég spyr mig:

Hvaðan hafa mótmælendur fengið þessi nöfn og heimilsföng? Er þetta svona auðvelt. Þetta kemur mjög illa út fyrir mótmælendur og þeirra málstað, það vita allir með eina heilasellu á milli eyrnanna.

Mjög þekkt erlendis, bæði evrópu og Bandaríkjunum, að lögreglumenn blandi sér í hóp mótmælanda og hafa þar sig mest frammi.  Þekkt dæmi er myndband sem sýnir hóp ítalskra lögreglumanna þramma út úr lögreglustöð, dulbúna sem mótmælendur. Til eru mun fleirri myndbönd, vitnisburðir og dómsmál þar sem samskonar mál hafa verið tekin fyrir. 

Hefur íslenska lögreglan sýnt af sér betri vinnubrögð. Hvað með hleranir sem hafa tíðkast hér á landi en ávalt er neitað?

Getur það verið að lögreglumaður, eða einstaklingur sem vinnur fyrir lögregluna, starfi með mótmælendum og kemur með hugmyndina um nafnbirtingar og hótanir. Þetta lítur alla vega mjög illa út og lögreglann fær greinilega og skiljanlega mjög mikla samúð. 

Þetta er ekki samsæriskenning eða fullyrðing þetta er bara innslag byggt á þekktum dæmum af starfsaðferðum lögreglunnar í löndum sem við berum okkur saman við. Höfum því varann á.

Ef svo sé ekki þá á svona blogg ekki að líðast. Lögreglan er að sinna mjög erfiðu og illa launuðu starfi og tekur aðeins við skipunum frá stjórnvöldum. Þeir eiga þakkir fyrir margt starf sitt og vanhæfni stjórnvalda og annara yfirboðara á ekki að bitna á þeim og þeirra fjölskyldu. 

 ps:  Nú hef ég fengið þær fréttir að eftirfarandi blogg er http://www.ringulreid.org/. Einhver krakki hefur tekið að sér að birta heimilsfang eins lögreglumannsins. Þetta er ekki skipulagt og ekki hægt að tengja þetta við mótmælendur sem heild. Gott áróðurbragð eða öllu heldur útúrsnúningur hjá lögreglunni og Mbl.is. 

	Nafnbirtingin grafalvarlegt mál
Ábyrgðarmaður færslu Tilkynna um óviðeigandi tengingu við frétt

Það er allveg augljóst mál að sökinni hefur einhvern veginn verið komið yfir á Gerrard af útsendurum Alex Fergusons enda eru Manchestermenn orðnir ansi blautir í klofinu og úrræðalausir yfir velgengni Rauða hersins.

Kannski var Gerrard að reyna að stilla til friðar í einhverjum slagsmálum sem Wayne Rooney og fylgisveinar hans hafa stofnað til og þeir svo slægilega skellt sökinni á þennan engil.

En Gerrard verður ekki fundinn sekur því maður sem spilar svona góða knattspyrnu getur ekki gert neitt vont. Það vita allir.